Eric決不另覓拍檔 Swing再度拆夥難續緣

星島日報

17/7/2010

做拍檔的,有很多不同形式,有些不介意換湯又換藥,有些則堅持要原班人馬。2人男子組合Swing宣布今個月推出新碟的好消息,但同時又傳出再度拆夥的壞消息;Eric更揚言沒有了Jerald,就沒有Swing,絕不另覓拍檔!Swing的新碟定於本月中面世,今次2人大玩英倫80年代的電子音樂,令人意外是,兩個大男人竟大唱情歌?

唱情歌烏龍百出

Eric謂:「新歌《無如果》其實是來自英文的『No If,No But』,是講述兩個人即使走到世界末日也要一起陪伴到終結,沒有如果,而是一定會。至於何以全碟都起用情歌?原因很簡單,因為上一張唱片沒有情歌,哈哈。」

男與男合唱情歌會否鬧出笑話?Eric直言:「笑料就無,突破事就有,Jerald今次交歌,唔知點解竟連續多次都唱錯歌詞,我都忍唔住問佢『有無搞錯』呀?」Jerald即說:「係我『烏龍』,經常唱錯一些差不多意思的字,因為唱得太投入了,所以有點忘我......甚至有次連囡囡喊聲都收錄了也不知道,不過當然不會出街,只留畀自己珍藏。」

Jerald為女兒離港

雖然有口頭抱怨,但Eric其實相當重視這位拍檔。說到Swing重組未幾,即將又再度拆夥;育有一名女兒的Jerald直認:「今次的新碟係Swing尾二的一張唱片,如果明年趕及發行新碟......因為女兒已年屆入學,而太太又想女兒在外國讀書,故最遲明年底或2012年初就要離開。」會否不捨得拍檔?Jerald望了望身旁的Eric打趣道:「一半一半啦,現在對住就唔會,但到了外國想起佢就應該會有點......總之希望再有機會和Eric一起做音樂。」Eric亦抵死道:「我捨得呀,唔會Miss佢,不過會Miss一齊開心的時間,最多咪得閒Email o下佢;其實大家一早講明唔會係長線的。」言語間不但毫無半點責怪,甚至問到Eric會否另覓拍檔,他都斬釘截鐵的說:「唔會,我Enjoy做Swing,暫時亦無興趣一個人做幕前,Jerald走o左,我咪做回幕後囉!」


Swing宣布出新碟之餘,同時宣布再次拆夥


Eric堅決表示,Jerald離開後不會另找拍檔


Jerald為了女兒學業,甘願放棄在港發展