Eric Kwok自信自然型

新報

10/12/04

Eric Kwok(郭偉亮),本港其中一位最出色的音樂人。這種人,雖說是娛樂圈中人,但他們生命中最重要的,都是音樂、創作。出席公眾場合,打扮得型仔入流,Eric表示自己並沒功勞,很簡單,時間都花在音樂上,一身造型打扮,全交形象顧問搞掂。

「我由細到大都係咁,對衣著打扮唔太在乎,我買埋o的衫,可以做著好多年,幾乎係著到爛先換過o的新衫。平時出席記者招待會、要做o野、或者表演,都係交俾形象設計幫手,我自己就好少理呢o的o野。」Eric都將時間花在自己的歌唱事業,及監製別人的唱片事業,身上的衣飾,也就順理成章交托別人處理。」

「我自己對打扮呢樣o野o既睇法,其實好簡單,著衫最緊要適合自己,要著得舒服,著上一o的唔o岩自己o既衫褲,只會令自己信心大打折扣,咁無論身上o既服飾有幾貴,都冇用。一個人能夠有足夠o既自信,只要著衫著得舒服,就算係簡簡單單,個人就會自然型起o黎,唔需要特別跟上潮流或者奇裝異服。」

秘密

Eric認為,衣著反而是其次,身材才是架起衣服o既靈魂,除了音樂,他在運動上同樣出色,「我好鍾意運動,雖然入o左行之後忙o左好多,但我都盡量抽時間去做適量o既運動,依家就通常去跑步,其實跑步好悶,但冇辦法,因為跑步對減肥keep fit好有用,我以前有試過跑跑步機,又係冇用o既,跑成日都唔及去公園跑一、兩個鐘咁實際。」

講著衫,做運動,三言兩語乜都講清楚,而與Eric提起音樂,他一面蠱惑,原來他正秘密搞o野,「我其實搞緊o的o野,不過而家唔公開得住,總之係好o野o黎,到時機成熟,就自然會話俾大家知道!」