「中佬」通識答贏「嫩女」

東方日報

今期「Gag」神賣大包，出o左條最簡淺、至易估o既題目考Swing同HotCha o既智慧，咪以為屬80後o既HotCha，玩「Gag」題一定會醒過「3張幾o野」o既Swing，是次「嫩女」大戰「中佬」一役中，事實證明年紀大唔代表腦筋慢。

問題:時鐘敲了十三o下，請問現在該做甚麼呢?

Swing成員Jerald:攞去維修囉，問題咁簡單。(你係咪之前玩過呀?)冇，冇玩過，呢o的係common sense。

Swing成員Eric Kwok:我玩IQ題好渣架，唔......(諗到眼都現紅筋),答唔到喎，敲o左十三o下呀?唔知喎。

HotCha成員Winkie:敲十三o下咪要報時囉,(唔o岩!)敲個鐘,(壞o左要點做?)搵裝修師傅,(o下?)唔係，搵鐘錶師傅至o岩 。
HotCha成員Crystal:諗o下先，唔知喎......個鐘敲十三o下咪會「O」嘴囉,(唔係?)咁係咪拍手掌呀?
HotCha成員Regen:唔知要做乜喎?(估o下啦?)我敲十四o下,(都唔係，提示係一個鐘會唔會敲十三o下呀?)係咪代表十三點呀?(邊有十三點，只有一點?)咁咪代表一點囉。

答案:該去修理了