Eric Kwok:兩個都唔抵幫

成報

謝霆鋒與張柏芝的五年婚姻到底是否可以繼續下去,還是走到盡頭,完全視乎兩位主角如何去處理。兩人的好友兼證婚人郭偉亮(Eric)指他們正嘗試去挽救瀕臨破碎的婚姻,但婚變導火線與柏芝、陳冠希機艙合照事件無關。

昨日傍晚,兩人的好友Eric公開露面時被問及鋒芝婚變,作為兩人的好友都甚感辛苦,又指:「兩個都唔抵幫,但兩個都要我幫,希望佢o地可以盡快渡過難關。」他透露,柏芝在臨飛歐洲前與他見過面。問到他會否身份尷尬?他承認:「係,好難做,為佢o地o既事唔開心,見到都辛苦,上車容易落車難。」問到兩人分開原因?「有好多,唔到我講,每段婚姻有問題不會是一件事。」但他肯定的是兩人之間並無第三者,只可以說是性格不合。婚姻何時開始出現問題?「不方便講。」會否因為柏芝性格強?「霆鋒都唔弱,雖然不夾,但可以以柔制剛,兩人畀心機嘗試緊。」同Edison合照係咪導火線?「我覺得唔係,之前個件事(慾照事件)都無事,何況依家一張相?無咁兒戲?大家都成年人。」

他表示,不清楚真正的導火線,但並不擔心一對小朋友,始終柏芝是盡力的母親。對於柏芝指摘霆鋒不理兒子,他就謂:「清官難審家庭事,各有各理由、觀點,外人不應參與。」霆鋒係咪好老竇?「呢個要等Lucas大個問佢先係正確答案,我自己未婚,無資格講。」問到婚姻是否無得救?「唔知,識得佢o地o既人知道可以好快無事,但依家呢個地步唔會咁容易無事,只知兩個無停過嘗試緊。」

太陽報

Eric Kwok直言身份難做,自己也被干擾而不開心,作為朋友見兩邊都辛苦,但卻幫不上忙,他有感而發:「上車易落車難,佢兩個結婚可以好快,都可以好快冇事,但搞到呢個地步,唔會咁易冇事。(離婚?)唔知,但佢o地冇停過挽救婚姻。」Eric否認鋒芝間有第三者,指兩人分開只是性格不合,問到是否 柏芝被指太強?他即說:「霆鋒都唔弱,連床照事件都冇事,何況一張咁o既機艙相?唔會咁兒戲!」至於鋒芝一對稚子,Eric說:「柏芝係盡力o既媽咪,霆鋒亦唔會唔理個仔。(柏芝話霆鋒唔理o的仔!)清官難審家庭事,外人唔應參與,唉!兩個都唔抵幫,但兩個都需要幫助應付今次難關。(霆鋒係咪好爸爸?)等Lucas大個問番佢。」


Eric與朱紫嬈出席腕表派對


Eric Kwok與Rick Chin因鋒芝事件成為追訪對象