Jerald與Eason夾計 Eric慘被整蠱

成報

22/9/2011

組合Swing昨日到商台宣傳他們下月舉行的紅館演唱會,Eric自爆前晚被拍檔與陳奕迅夾份整蠱,推說演唱會因贊助問題取消,改由Eason頂上接替檔期,期間Eason與Jerald激烈爭吵差點動手,當時心情跌落谷底只好想辦法勸交。

Jerald坦言拍檔Eric是個很難騙倒的人,他事前要相約好Eason、唱片公司高層洪迪和Duncan一齊作弄他,Jerald說:「因為Eric成日睇其他人被整蠱的短片,所以佢警覺性好高,Eason聽到Idea後即刻話好,最後用贊助商嫌我o地Swing不夠紅,改由Eason接檔期開騷,Eason仲話叫我o地來做表演嘉賓,不過最正的是黃偉文又打電話來訂飛,搞到Eric唔知點好。」Eric則表示,真的被他們呃到,他說:「我無嬲,反而好開心,因為我一直諗辦法點去解決,當時Jerald同Eason真係會講手。」

提到首次在紅館開騷,仍是最後一次的Swing演唱會,Eric表示,拍檔Jerald因照顧女兒要移民加拿大,雖然現在未有不捨之感,但時間久了就會不捨得,問到Jerald雖身在外地,仍可將音樂傳回來香港?他說:「要人在香港先有人搵的,我驚到時唔會有人搵我做歌。」


Swing將在紅館開演唱會