「Swing後會無期」添喜慶 郭偉亮葉佩雯 紅館舞台結婚
成報
25/11/11
《Swing後會無期告別演唱會》昨晚於紅館演出一場，今次是二人首次在紅館開騷，亦是最後一次。SWING今次演唱會邀請了十多位嘉賓上台獻唱，包括蘇永康、梁漢文、林海峰、劉美君、李克勤、陳奕迅、何超儀、陳子聰、農夫、張繼聰等，而捧場藝人不少，如徐濠縈、謝霆鋒、林憶蓮及謝安琪等。之前有傳張柏芝會捧場，但前晚就未見柏芝蹤影。整晚的高潮當 屬郭偉亮(Eric)向女友葉佩雯求婚的驚喜求婚。Eric表示今年做了三件大事，現在要做第四件。此時佩雯已忍不住哭了，Eric笑說:「唔係呀!你唔好以為係啦。」令Grace一臉惘然。Eric又說:「Swing十一年，我個拍檔將會離開我，我係時候搵番個Partner，係唔會離開我o既。今晚我這個Partner都係十一年，我們經歷了很多風風雨雨，我錢就冇乜，只有一樣o野畀到你，就係幸福。」在全場熱烈的掌聲中，Eric拿出一束88支的花束，指8月8日是他們的紀念日，隨即跪下高呼:「葉佩雯!嫁畀我!」Grace激動得掩面痛哭，Eric再問:「你應唔應承。」Grace點頭說:「應承。」工作人員立即推出一張臺,律師亦走出來，Eric說:「咁現在就結啦!」
Eric請一眾好友上台，宣讀誓詞前突然拉出霆鋒:「當年我做你的證婚人，今次你做番。」然後將一件神父袍套在霆鋒身上，霆鋒面露尷尬。二人禮成後，問霆鋒感想，他說:「咁莊嚴的一個時間，我唔知講乜，我滿心祝福，但我滿腦子係粗口，呢度咁多兄弟，點解係要搵一個剛離婚的人做證婚人，想點呀?你攞景定贈興呀?」事後Swing開香檳慶祝，問到霆鋒指他贈興，Eric笑說:「我純粹為自己，好自私冇諗佢。佢而家不知幾平靜呀!」佩雯則笑言已被叫做「郭太」，她預計到會求婚，但想不到是結婚，自己也未消化到那份驚喜。