召開吹神同學會

9/3/2012

「吹神」陳奕迅愛妻，與徐濠縈結婚6年，仍諗盡計冧老婆，前日更飛巴黎賀老婆牛一!事實上，是次驚喜乃Eason精心部署，夾埋大班老死做大龍鳳，出發前，更召好友Eric Kwok及一對男女友人到深灣遊艇會齊齊度計，其間見他傾到七情上面兼手舞足蹈。

Eason貴為樂壇天王，每天的工作時間表可謂由07排到24，但眼見太太阿徐快將生日，為搏紅顏一笑的他，立即相約Eric Kwok及兩名友人齊齊到位於港島區的深灣遊艇會High Tea兼商討「驚喜」。 現場所見，眾人於三時許先後現身會所，身穿七彩顏色外套的Eason甫到步點過了食品與飲品後，便已與友人滔滔不絕講過不停。

即使當日天氣有點寒冷，Eason亦無懼食西北風，頻頻張開口高談闊論，直至傾到有點口乾才勉強停下來，未幾，當職員把食物遞送上臺後，見他非常細心，主動上前為友人平分食物，認真抵讚!眾人於會所由天光吹至天黑都面不改容，至近七時許，相信眾人一致認為人肉速遞到巴黎先夠浪漫，才將是次聚會暫告一段落，散Band各自駕車離去。

Eason同朋友齊齊度計，傾到七情上面兼手舞足蹈，由天光吹至天黑都面不改容

Eric Kwok亦有幫手諗計