葉佩雯郭偉亮今擺酒 講明唔生

蘋果日報

唱作人郭偉亮(Eric)和葉佩雯(Grace)去年11月在紅館簽紙結婚，他們趁今日結婚一周年擺喜酒，陳奕迅、劉浩龍和何超儀等做星級兄弟姊妹團，昨日Grace為籌備婚宴忙到變熊貓眼，她坦言已叫朋友不要送豬牌，皆因他們「唔諗住生」。

現年38歲的郭偉亮和32歲的葉佩雯一年前在紅館萬人見證下結婚，今晚他們會在北角海逸酒店筵開35席補擺婚宴，昨日Grace先入住酒店準備。昨午3時許，Eric跟媽咪和女親友現身銅鑼灣利園，他表示心情不緊張，也不擔心姊妹團有高難度遊戲，他笑說:「未驚過，姊妹話明會玩死我o地。」之後他們去了太子攞衫，再去尖沙嘴會合老婆Grace，Eric爆老婆生壓力瘡，Grace撒嬌說:「冇啦，好番晒。」

雖然兩人思想西化，但他們會跟足傳統，擇好昨晚9點吉時做上頭儀式，她說:「媽咪幫我o地上頭，之前仲裝床，買o左新被、床單同子孫桶。」老人家想他們連生貴子?Grace坦言:「我吩咐o左大家唔好送豬牌，我o地唔諗住生，奶奶都好開通。」

星級兄弟姊妹團則有陳奕迅、劉浩龍、何超儀及杜如風等，問好友謝霆鋒和張柏芝這對離婚夫婦會否到賀?Grace說:「霆鋒推唔到工作，佢同Eric講o左唔好意思,柏芝未知o黎唔o黎到，但留o左位畀佢。」

郭偉亮同葉佩雯今晚擺酒筵開35席，宴請親朋，噚日佢o地去尖沙嘴攞婚紗同晚裝，Grace著到紅噹噹應景一番

Eric昨日做柴可夫攞禮服

Eric和媽咪昨日走勻港九，認真頻撲