郭偉亮肉麻歌 葉佩雯冧到腳軟

蘋果動新聞

23/11/2012

今晚郭偉亮同葉佩雯會o係北角海逸擺35圍，新人著住婚紗禮服落大堂，嘴足三次，又以香檳合巹交杯，問郭偉亮講o左乜愛的宣言?佢話:「我唱歌，姐妺作詞，有日文、韓文、泰文，內容都係我愛你，要我作曲，其實唔難，但唔好聽，另外自己作o左一首歌，幾肉麻，作為我o地拍拖12周年紀念，一首分半鐘超肉麻歌。」

郭偉亮求婚片咀嘴打格 全場爆笑

郭偉亮、葉佩雯婚宴大約o係九點三開席，期間播o左新郎o係紅館向娘求婚o既片段，最搞笑係播到兩人咀嘴o個陣，畫面搞鬼地打o左格仔，搞到全場爆笑。 之後著住婚紗、禮服o既新人上台，得到全場嘉賓歡呼，佢o地致謝詞多謝到賀o既朋友，郭偉亮講完一輪後，唔知係咪葉佩雯都嫌佢長氣，講笑話:「大家都肚餓喇呵?不如食o野囉!」

楊受成夫婦 到場祝賀郭偉亮

郭偉亮幫「英皇人」作過唔少暢銷歌，今日佢結婚，英皇老闆楊受成都偕老婆陸小曼一齊ｏ黎賀佢，而且葉佩雯亦屬英皇前藝人，今日亦有英皇藝人好似蔡卓妍o黎飲。其餘o黎賀Eric o既老友好似好耐冇見o既側田，樂隊Mr.五子，梁詠琪及吳彥祖等等，看得出Eric同Grace交遊廣闊。

新人合照

咀足三次

切蛋糕先

齊晒婚戒

大派利是

Eric Kwok噚晚拖住新娘子出場，單手插袋幾咁型