Eric Kwok葉佩雯唱K代洞房

蘋果日報

25/11/2012

唱作人郭偉亮(Eric Kwok)去年在紅館跟拍拖多年女友葉佩雯(Grace)註冊結婚,前日二人趁結婚一周年補擺喜酒。席間Grace多謝父母多年照顧講到眼濕濕,Eric感謝老婆多年支持深情剖白也教人感動。原以為Grace和Eric婚宴後洞房花燭,豈料二人拉隊到灣仔唱K,還直落唱天光,認真好精力。

現年32歲葉佩雯和38歲郭偉亮前晚在北角海逸酒店補擺喜酒,請來陳奕迅、梁漢文、劉浩龍和何超儀等任兄弟姊妹團外,梁詠琪、莫文蔚、林海峰、吳雨霏和劉心悠等都有到賀。

新娘爆肚全場笑

本報記者前晚直擊婚宴過程,眾賓客頻頻拉着一對新人合照,結果延至晚上9時半才開席。現場先播出去年Eric在紅館求婚及註冊片段,之後一對新人挽手進場,然後在台上切蛋糕和祝酒。Grace在台上多謝父母多年悉心照顧講到眼濕濕,Eric深情剖白,指過去經歷了很多事情,感謝Grace多年一直支持自己,場面感人。其後Grace突然爆肚說:「大家都肚餓,不如食o野啦。」全場勁笑拍手歡呼。

婚宴上沒有劈酒或玩新人環節,但就不停播片,包括Grace童年裸照、前日上午接新娘過程和由Eric家人炮製的卡通片。原來Eric母親當年甚少為兒子拍照,Eric童年照僅得一、兩張,所以Eric母親就為兒子製作一段卡通動畫,講述太空人Eric出席開心派對。另一段則為Eric小時跟一班女孩子跳舞片段,Eric竟突然發脾氣踢人,十分搞笑。

眾賓客於11時陸續離開,原本一對新人在酒店過夜洞房,沒料到昨日凌晨1時半,Eric與Grace竟歌癮大發,偕好友杜如風、洪天明、梁漢文、劉浩龍和鄭希怡等到灣仔的Red MR唱K。眾人唱K唱至昨早6時天光才盡興離開,但為怕被傳媒拍得殘樣,眾人都在後門鬆人。

新郎搵唔到婚戒

另外,Eric前晚一度以為遺失白金婚戒,後在禮服褲袋尋回,原來他洗手時脫下婚戒並放入褲袋,有驚無險。


Eric有母親製作一段太空人開心派對的卡通動畫


婚宴不停播片,其中有Grace的童年裸照


歌手出身o既Eric同Grace,噚日凌晨擺完喜酒後竟歌癮大發,仲唱到天光先走,睇o黎佢o地真係好鍾意唱歌