Swing還原基本步各有出頭天
東方日報
8/3/02
由Snowman演變出來的Swing，只是兩年時間，突然宣布解散，雖然並非兩位隊員郭偉亮Eric與陳哲廬Jerald的共同意願，Swing拆夥卻令很多Fans不捨，但Eric與Jerald始終都要各行各路!
郭偉亮與陳哲廬的統稱就是Swing，不過，兩個大男孩由結合到分開，可能還有很多人分不清楚，誰是Eric、誰是Jerald呢!「唔緊要，我o地冇諗過要做偶像，講唔出我o地個名唔緊要，因為我o地o既音樂就代表o左我o地!講多無謂!」Jerald說。宣布解體各自發展後，Swing接受過很多傳媒採訪，問的都是為何要解散?邊個先提出?情形就如一對情侶分手，大家都想知誰是被遺棄一個。Eric點頭認同:「係Jerald提出先o架!其實我一直都知佢唔開心，好早之前都提出過解散，然後我繼續做音樂，佢轉行返Office，就好似依家咁囉!」
Eric尊重解散決定
「唔開心，係因為適應唔到呢行o既運作，好多o野都唔係想像中咁容易應付，加上我承認係一個缺乏信心o既人，既然依家仲有人欣賞Swing o既音樂，我諗最o岩就係呢個時候離開，我唔想有朝一日被淘汰，我面對唔到。」站在Jerald身旁的Eric，十分認同Jerald以上一番話。Eric尊重對方o既決定:「我唔同意佢講o既o野，但係我會體諒佢o既感受，而且佢既然決定o左，我唔想逼佢，勉強冇幸福嘛!」
Swing消失後，Eric會留守EEG繼續創作音樂，Jerald則會轉行，繼續尋找他的另一個夢。一個極度喜歡音樂的人，要離開夢境，確實是一件難事，Jerald當然亦有點捨不得。
Jerald過朝九晚五生活
「我唔知會唔會頂唔順，有一日又返o黎，但係呢個可能性好幾低，不過，我雖然轉o左行，可能要打呔返工，過朝九晚五o既生活，但我有靈感o既話，一樣可以作首歌畀自己聽o架!畀朋友聽o下!甚至放o係自己o既私人網頁，畀知音人聽o下囉!冇問題o架!」
不少人都認為Swing很優秀，當他們宣布「玩完」，不少人都感到十分可惜，他們的感受又如何呢!Eric搶著說:「有少少，真係有少少，我覺得仲可以去囉!不過......都係o個句啦!我尊重Jerald o既決定。(有冇諗過另找拍檔組新Swing?)唔會喇!冇咁o既必要，我會專注創作音樂，反正一開始就唔係為要做明星!」
最愛《就當我未玩夠》
Swing在圈中有很多朋友，除得到幕前一眾歌手支持，幕後的創作人對他們更讚口不絕，認為Swing敢創新，有自己風格。Eric說:「我知道好多人都支持我o地，但係......點講呢?我覺得音樂係一樣好主觀o既o野，一首唱到街知巷聞o既歌，一樣有人覺得不堪入耳，音樂就係咁簡單。」
Swing曾創作不少了歌曲，有為自己寫的，有別人作的，那麼，他們最喜歡哪一首呢!Eric哈哈笑說:「講個秘密畀你聽，我最鍾意o既首歌，係Swing o既歌o黎o架!」說罷，他即補充說:「𦬓!我唔係自私，《就當我未玩夠》這首歌，我其實作o左好耐，一直都唔捨得用，最後全新做過晒音樂，以為包裝到最好先面世，結果得番o黎o既反應係俾人覺得唔似係Swing o既音樂，我真係好失望。」