郭偉亮生B聽天由命 貪舒服唔用「雨褸」

on.cc

8/5/2014

音樂人郭偉亮(Eric Kwok)舉行「我最喜愛的Eric Kwok音樂會」記者會，宣布7月17-19日在紅館開騷，參予演出的歌手逾20位，而有份演出的李克勤、劉浩龍、梁漢文及葉佩文亦現身記者會撐場。Eric獲贊助商送上價值18萬元的黑鑽戒指，而太太葉佩文送上紅色印有心型及嘴唇圖案的孖煙囪,梁漢文則送上巨型足球機，笑言給他和老婆一齊搞，克勤即送雨褸，讓Eric閉關寫歌時以策「安全」，Eric反說:「我個人不嬲都唔係好安全o架!」

另外問到Eric，上次開騷即場宣布結婚，今次可會宣布生B?Eric坦言:「冇諗喎，上次結婚都係被傳媒問得多，逼o下逼o下做o左,依家離開騷得2個月，而其實我o地都有共識唔諗住有小朋友。」不過，Eric又坦言:「有時我都唔係好安全，為o左舒服囉!(有o左咁點?)會聽天由命，咁我都會畀最好o既o野佢o既,希望o的雨褸靠得住啦!」

郭偉亮為音樂會舉行記者會，獲太太及不少好友到場支持

郭偉亮獲太太葉佩文送孖煙囪,真係Sweet喇!

克勤就送雨褸，意喻Eric閉關寫歌時以策「安全」。

梁漢文就送上巨型足球機

曾志偉亦有現身撐場