郭偉亮開騷想搞出人命

新報

9/5/2014

音樂人郭偉亮(Eric Kwok)舉行《我最喜愛的Eric Kwok音樂會》記者會，原定於7月18和19日在紅館開Show，雖然未公開售票，但兩場門票幾近售罄，昨日，主辦機構公布加開7月17日一場，參與演出的歌手逾20位，而有份演出的李克勤、劉浩龍、梁漢文及葉佩雯亦齊現身記者會撐場。

Eric獲贊助商送上價值18萬元的黑鑽設計戒指，而太太葉佩雯送上紅色印有心型及嘴唇圖案的孖煙囪,她笑言:「係大會叫我去畀你。」但送上內褲時，被人笑指夫婦似不熟絡，Eric有如獲頒贈錦旗，葉佩雯笑言:「咁佢唔使翻著內褲。」發布會上，有播出Eric的老友歌手祝賀片段，包括蔡卓妍、陳奕迅、譚詠麟、梁詠琪、楊千嬅等，均有贈賀言。

克勤搞鹹Gag

而到場現身的梁漢文則送上巨型足球機，搞笑說:「畀你同你老婆一齊搞喇。」說話相當三級。李克勤則送上膠雨衣一件，說Eric閉關寫歌時以策「安全」，Eric反駁說:「我個人不嬲都唔係好安全啦!」鹹Gag令現場笑聲此起彼落。

望雨褸靠得住

上一次Eric開音樂會，即場宣布結婚，今次可會有新喜訊在會上公布時(宣布生B?)Eric坦言:「上次都係俾人猛迫，迫o下迫o下就迫出婚訊o黎,今次真係冇諗喎,o依家離開騷得個兩個月，我o地一直都有共識唔諗住有小朋友。」不過，Eric又坦言:「有時我都唔理安唔安全，但求舒服。(有o左咁點?)會聽天由命，咁我都會畀最好o既o野佢o既,希望o的雨褸靠得住啦!」