<xmp><body></xmp>

頒獎禮大大贏家Eric Kwok 與好友千嬅同慶賀

環球唱片

8/1/09

Eric Kwok2008年的努力絕對沒有白費,2009年第一日就收到一份大大禮物, 於叱吒榜樂壇流行榜頒獎典禮上一共捧走7個獎座,比謝安琪還要多出一個獎座!另外, Eric Kwok經已簽約環球唱片新藝寶旗下,並即將於一月中推出新曲+作品集<Eric Kwok's Leet Collection>,新歌<Wow>亦已經派台,由Eric Kwok包辦作曲/編曲/監製,林若寧填詞,歌曲節奏明快,亦甚有戲劇感覺。

真心努力 終得成果

Eric Kwok表示自己於2007年憑<花落誰家>得到2007年度四台聯頒歌曲大獎,並於台上表示自己會繼續努力,他笑說此話並非HEA而是真心說話,「聽落去好似好hea, 不過我係好有誠意講出來,因為當年我真係真係好懶,我的時間就係打機同瞓覺,有隻Game叫做Warcraft,我真係打到無日無天,好多朋友都知道打機打到咩都唔做,叫我唔好再打,哈哈!」由林若寧填詞,他的詞擊中不少人的心聲,每日努力的工作,一小時的自我都仿佛招人妒忌,遭人指點,地球反正不會為我停轉,何不給我揮霍自由?總之做自己喜歡的事,唔理別人點諗。歌詞中一句"I don't I don't give a crab"可以譯作"我唔鬼會理",而歌曲名稱亦因為當中的"crab"而曾經一度被改名為"丁蟹",十分搞鬼。

好友千嬅得獎 十分高興

Eric Kwok與楊千嬅同年同月同日生,一同是水瓶座,份屬好友之餘,亦為她作過不少歌曲,如<楊千嬅>、<冬天的故事>等等,Eric Kwok自己頻頻於頒獎禮上掃獎外,亦恭賀好友得到最受歡迎女歌星,他說:「千嬅是一個好努力的歌手,記得有一次錄音室問佢,『你係咪搵人學唱歌呀?好似突然開左竅咁?』佢有咁多戲拍,咁多廣告,都咁有心學唱歌,真係好難得。用心唱歌的人是應該有回報的。」

Eric打機上癮 令好友擔心

千嬅又說:「記得有一年Eric拎唱作人銅獎,其實佢的實力何止銅獎,佢應該花多些心機寫歌,我仲記得當年我晌台上講:『我要你寫歌俾我!』我知道當年佢玩online game玩到上癮。Eason同我講好擔心Eric的狀況,我話唔駛搵佢喇,隨他吧!不過是一個沉澱的過程,清醒了,就會歸位!你睇佢今年成績幾好,掃咁多獎,仲出埋新歌+作品集,應該好清醒!」