Eric Kwok鬧葉佩雯係咪歌手

成報

19/5/2014

Eric Kwok(郭偉亮)、梁漢文(Edmond)及劉浩龍(師兄)三人早前齊作客TVB娛樂新聞台節目《StarTalk》，接受主播許文軒專訪，大談Eric的個人作品音樂會進度和三兄弟錄音趣事。

三人表示十年前開始熟落起來，經常一齊打波和打機，連Eric結婚也是他們做兄弟，而他更常常在師兄家中廁所找到創作靈感。師兄就大爆為錄出「隔夜聲」，Eric竟不允許自己食飯和飲水，但對方就一個人吃兩個飯盒，受到不公平對待。但師兄就多謝Eric為自己度身訂造的「爛命鴛鴦」帶來好成績和獎項。

另外，Eric表示李克勤在早上錄歌的習慣，令自己的生活改變了，現在自己也早起床，更大爆林子祥曾要求清晨六點打完高爾夫球後錄音，令自己非常愕然，最終改為早上八點錄音，Eric笑說:「這是我的極限」!

問到Eric平時同好兄弟和另一半葉佩雯(Grace)錄音時的態度有何分別?Eric笑言同老婆錄音最開心，因為自己可以話晒事，想點就點。不過亦試過一次錄到扯火，事源Eric於06年為Grace監製的搖滾唱片，當時Grace做不到自己的要求，足足錄了二十多個Take，當時好費解、好失望，並發脾氣說:「你究竟係咪歌手」，令Grace拋下Headphone離場。再問事後如何補鑊?他直言:「我記憶是好痛苦」，笑稱自己是衰人，當時亦分不到是男友還是監製角色。

三人異口同聲表示有另一半支持是好重要，亦令自己的性格改變，Edmond表示婚後「似番個人」，因以前比較貪玩;師兄亦表示拍拖後，愈來愈開心;而Eric稱人大了，責任感亦多了。