葉佩雯唱Live獲男友力撐

成報

18/8/02

「Hennessy VSOP' Music Discussion Concert」前晚於銅鑼灣某酒店舉行，請來久違了的葉佩雯表演、樂隊星盒子擔任特別嘉賓。而出席睇騷的有葉媽媽及男友Eric、Rosemary、女優歐陽海璇、周家如、黃敏燁、戴辛尉等。

葉佩雯(Grace)已有一段日子沒有唱現場，但仍吸引數十名歌迷捧場，更有男友為她伴奏，唱起歌來特別投入。她指日前玩滑水，被滑板撞到鼻子，當時不停流鼻水，到前日綵排時用鼻音即覺有痛楚，故完騷後會馬上睇醫生。Grace稍後會接拍一部戲，跟杜德偉合作。問她是否由歌手轉型為演員，她則表示公司內部有人事變動，故去向暫時未清楚。

Eric暗寸某機構

男友Eric直言難得女友有騷，當然全力支持，他說:「第二o的人唔支持，我自己咪獨撐囉。(邊o的人?)某機構囉!你o地都睇到啦，佢咁耐冇出碟，你o地負責問o既，可以幫我問o架!(你咁講唔怕得罪某機構?)怕o架，不過唔講都講o左」Eric大讚女友是現時少有的女歌手，唱Live唔走音，現在公司這樣對她，實在好o徒。

目前退居幕後的Eric指沒有做幕前的好玩，但則較從前賺得多，相信短期內不會再復出幕前，問到何時結婚?Eric說:「等我搵到多o的錢先，(咁有冇目標?)冇，結婚只不過係一個程序o者。」