郭偉亮音樂會 星級老友齊撐

新報

18/7/2014

扮Iron Man扮到「出神入化」o既Eric Kwok(郭偉亮),噚晚首場「我最喜愛的ERIC KWOK音樂會」拉開一連三晚o既序幕。雖然噚晚天文台掛起三號風球兼橫風橫雨,但依然無損Fans們o既熱烈支持,全場爆滿。

為全港歌手作曲無數o既Eric Kwok,首場個唱獲大班天王天后級老友力撐,包括陳奕迅(Eason)、楊千嬅、梁漢文、蘇永康、許志安、林欣彤及吳雨霏等等,當然仲有太太葉佩雯,而作為好兄弟o既謝霆鋒亦有到場欣賞。

準時開Show o既Eric,當然以羅拔唐尼(Robert Downey)o既黑超造型出場,昔著西裝兼彈住結他唱出近期佢o既大熱作品《Iron Man》,即時辣慶全場氣氛。Eric話,今晚唔只係音樂會,因為咁多老友:「今晚直頭係頒獎典禮!」佢又用晒「第幾位」咁o既方式去介紹佢班星級老友出場。率先上台唱《天下之大》o既定許志安,接受Eric送畀自己o既「巨型棉花棒」時,問佢做乜?得o黎o既答案當然就係爛Gag:「因為安仔你係一個令我聽出耳油o既歌手!」


Eric Kwok以黑超造型出場,唱出近期佢o既大熱作品《Iron Man》