郭偉亮唱出幸福贈老婆

新報

19/7/2014

繼黃偉文(Wyman)年前舉行「作品展」音樂會後,一眾樂壇o既「幕後功臣」掀起一股開Show熱潮。前晚終於輪到扮「鐵甲奇俠」扮到可以拍廣告兼唱埋首《Iron Man》o既Eric Kwok(郭偉亮)開佢o既《我最喜歡的Eric Kwok》演唱會。

除o左好兄弟陳奕迅(Eason)「義不容辭」上場撐足三晚外,「郭太」葉佩雯(Grace)當然亦不可或缺。其他憑Eric o既大作而奪得唔少冠軍歌o既歌手如楊千嬅、梁詠琪、梁漢文、劉浩龍(師兄)及林欣彤(Mag)等均盛裝上陣,以示感激。首場仲有「歌神」張學友同葉蒨文(莎麗)!

台上揚言今次唔係演唱會,而係「ERIC KWOK我最喜愛頒獎禮」o既郭偉亮,將成晚o既Rundown按照佢自己o既喜好,由第十位許志安o既《天下之大》拉開序幕。當宣布第一位係《有個人》時,學友o既出場即時令全場嗌破喉嚨。Eric深表多謝學友當年用自己作品做主打歌,間接帶自己入行。學友反而話唔好成日「神」佢:「依家咁多人識你,其實Eric真係一個好男人o黎!」

輪到莎麗上台唱《傷逝》時,求o左呢首歌番o黎,所以之後我都唔好意思再搵你作曲。」之後,林欣彤唱出Eric作畀佢o既第一首作品《洗澡》,個個大男人都好「紳士」咁大讚Mag唱得好好。

曾為謝安琪(Kay)作下《囍帖街》而令到Kay攀上事業高峰o既Eric話:「我打過畀謝安琪,佢同我講,真係好想、好想o黎!但後來,我再打去問,佢經理人就話:『都係唔o黎得喇!』」Eric笑言「天注定」首歌係有個「男版」,請出蘇永康(阿公)唱《囍帖街》。

到師兄獻唱《爛命鴛鴦》時,Eric即寸爆:「o個陣時你喊晒口咁,又話失戀又盛,叫我作首歌畀你,今晚你完全唱唔到o個種神韻!」師兄一聽到即刻「求饒」:「唔好講啦大佬?」點知Eric繼續寸佢:「算吧啦你,不如你唱番容祖兒首《華麗邂逅》啦!」

去到勁歌環節,高潮位除o左有Eason o既《重口味》配合Eric一身閃爆紅色「Iron Man」打扮熱舞助興外,仲有以黑色厘士上陣大曬Bra Top兼露背o既「郭太」最令全場歌迷起身支持!

寶石戒指?母親

今次Eric除o左同一班好兄弟同台一聚外,佢亦都好感激「兩個女人」,媽咪同太太葉佩雯。提到自己爸爸,Eric話對方好賭成性,跟住放映自己親自製造戒指?片段然後話:「我好想見番我媽咪笑得好開心個樣,呢隻綠寶石戒指,媽咪,我送畀你o既!笑?啦。」o?得Eric母親熱淚盈眶,戴上戒指後,更對住鏡頭展示。

講到太太葉佩雯,Eric又放出當年o係Swing演唱會上求婚的片段:「當年,我話畀幸福你!你依家當住大家答我,你幸唔幸福?」Grace即諗o左一諗話:「幸福就有o既!不過錢就......」Eric即話:「錢就真係無乜喇,唱o的幸福畀你啦。」兩人即拖手合唱《幸福摩天輪》,Sweet爆全場。


Eric與太太葉佩雯合唱《幸福摩天輪》,Sweet爆全場