郭偉亮試過偷影老婆出浴照

on.cc

3/9/2014

音樂人郭偉亮(Eric Kwok)出席活動，對於獲得年度獎項，他直言鬍子應記一功:「留鬚之後真係幫o左我好多，Man o的」他又透露以前拍戲以客串為主，但將會有轉變:「接o左部戲年尾開拍，今次會扮演變態殺手，搞笑o既係因為我平時有煲開呢類型o既戲，所以連Grace(太太)都叫我去拍，做番自己咁話。」

減肥做豬肉佬

Eric自爆是首次有人找自己拍戲:「我有問導演使唔使準備o的咩，例如去街市睇o下人點斬豬肉，因為我個角色係一個豬肉佬，但導演話只需要我減肥。(要減幾多?)減十幾磅，真係要慢慢減。」他續透露非常擔心講對白的問題:「好彩導演話唔係好多對白，淨係要我演到有臭味o既感覺。」

Eric又謂剛留意到荷里活影星被盜取照片一事，還笑言:「我成日都想同Grace影，但佢唔想我影咋嘛，我試過o係佢沖涼o個陣衝入去o架。(會擺相上iCloud嗎?)本身諗過擺，但發現原來太危險喇!始終有好多私人o野。」