Eric Kwok強闖廁所影老婆裸照

東方日報

4/9/2014

音樂人郭偉亮(Eric Kwok)、歌手周柏豪、藝人洪永城等前晚出席時尚雜誌慶祝酒會，Eric Kwok對於獲得年度獎項表示鬍子應記一功:「留鬍之後真係幫o左我好多，man o左。」他透露自己以前拍戲以客串角色為主，但將會有轉變:「接o左部戲年尾開拍，今次會扮演變態殺手，搞笑係因為我平時有煲開呢類型o既戲，所以連Grace(太太葉佩雯)都叫我去拍，做番自己咁話。」

Eric Kwok自爆是首次有人找自己拍戲:「我有問導演使唔使準備o的咩，例如去街市睇人點斬豬肉，因為我個角色係一個豬肉佬，但導演話只需要我減肥。(要減幾多?)減十幾磅，真係要慢慢減。」另他表示有留意荷里活巨星被盜取裸照新聞，還笑言:「我成日都想同Grace影，但佢唔想我影咋嘛，我試過o係佢沖涼o個陣衝入去，但唔成功。(會放相上iCloud?)本身諗過擺，但發現太危險，有好多私人o野。」

新報

周柏豪、洪永城、郭偉亮(Eric Kwok)、陳家樂及許廷鏗等前晚到西環出席雜誌頒獎禮，Eric Kwok透露稍後開拍新戲將會飾演變態豬肉佬，更有殺人場面，笑言要增加個人臭味才能符合導演要求。談到想「臭」可向經常不沖涼的老友謝霆鋒求教時，他笑說:「佢o依家仲唔肯沖涼乜?咁要問高圓圓先知啦!」另對荷里活女星被黑客盜用艷照一事，Eric Kwok竟自爆想過和老婆葉佩雯影番輯，但被老婆一口拒絕:「我成日衝入廁所嚇佢，但都只係玩o下,呢o的咁私人o既o野都係唔好放上網。」

Eric Kwok自爆試過在Grace沖涼時衝入去，企圖影對方裸照