Eric Kwok拒任「鋒菲」證婚人

蘋果即時新聞

24/9/2014

Eric Kwok(郭偉亮)與太太葉佩雯(Grace)今晚出席一個關注乳癌活動。Eric曾經擔任謝霆鋒及張柏芝證婚人，不過o依家霆鋒同舊愛王菲世紀復合，全城熱話，Eric被追問此事時，明顯有備而來，佢恭喜「鋒菲」復合，並說:「人生苦短，最緊要開心，Time to move on,(指邊個?)無論佢同柏芝都一樣。」有傳柏芝為此事而唔開心?Eric就話會過去的。

咁佢兩公婆會唔會介紹男仔畀柏芝識?佢o地就成頭問號，然後就話:「唔使啦!」Eric表示:「我冇咁得閒。」談到鋒菲秘密復合，表現極為低調?Eric就話:「應該得佢兩個先知。(保密工夫好好?)應該冇人知，先可以發展順利o的。」 會唔會作歌送畀佢兩個?Eric話:「等佢(指霆鋒)自己作啦，佢自己有作歌，好多靈感。」 咁有冇機會做鋒菲證婚人?Eric就話:「我諗應該唔會喇!都應該唔關我事。」

郭偉亮及葉佩雯恭喜鋒菲復合