Eric Kwok明言:所有歌都唔會俾謝安琪

蘋果即時新聞

14/12/2014

Eric Kwok(郭偉亮)出道係同Jerald(陳哲廬)合組Swing彈起，兩個人音樂出色，可惜始終得唔到香港聽眾欣類，反而Eric食住同羅拔唐尼個樣似，以港版iron man彈起o左,今年中，Eric亦得以開作品演唱會，有唔少圈中朋友出席，不過當中就發生o左件不愉快事，就係本來佢請o左謝安琪(Kay)o黎做嘉賓，Kay都應承o左o黎,點知最後甩底，話係經理人唔俾佢o黎,當時Eric已經話:「作《囍帖街》令謝安琪升上另一Level，我打電話畀佢，佢話真係好想好想o黎,但之後佢經理人又話佢o黎唔到喎。」

到o依家，Eric仲記住呢件事，佢近日接受雜誌o既訪問，再問到佢對謝安琪係咪好失望，佢明言:「我好失望，但係冇辦法，唔係個個都好似阿臣(陳奕迅)咁幫手。」再問到會唔會再俾好歌謝安琪，佢就話:「所有歌都唔會俾佢!唔係，佢要搵我先得o架!我唔會搲o架!」

訪問中Eric Kwok亦被問到會唔會覺得個樂壇,o黎o黎去去都係o個幾個人，冇人可以接到班，佢就話:「接唔到咪接唔到，我冇咩所謂。」而Eric Kwok仲話覺得劉浩龍、梁漢文同李克勤都係懷才不遇o既歌手，仲話自已有好音樂，一定會第一時間畀佢o地。