麥浚龍,吳日言積極籌備新碟令Swing 2子拆夥 分頭出擊鬥一番

Silly Thing

4/10/04

Silly Thing今年推出兩張唱片,分別是麥浚龍的〈Proto〉和吳日言的〈Little One〉,反應熱烈,備受音樂人及歌迷讚賞。有見及此,Silly Thing乘勝追擊,為Juno和Yan積極籌備今年的第二張唱片,麥浚龍的新碟將於12月推出,而吳日言的新碟更會於11月推出,相信是今年第一位女新人推出兩張專輯。

吳日言食月餅唱歌有氣力

由於Yan11月會推出新碟,所以近日她正積極籌備中,每日都要到錄音室錄音,而新碟的部份歌曲會由Swing成員Eric Kwok負責。錄音當日,Yan更同Eric襯到絕,一身紅衣,非常搶眼。問到阿Yan為何會和Eric合作,Yan說:「因為覺得Swing歌曲o既風格好特別,而且未同過Eric合作,希望可以俾到歌迷有新o既感覺。」Yan更打趣說:「同埋因為師兄Juno搵左同是Swing成員的Jerald幫手,上一隻碟更是叫好叫座,希望今次搵Eric幫手,可以同樣有好的成績。」Yan更大讚Eric新歌〈生日快樂〉非常好聽,令到Eric非常開心。臨迎中秋,Yan更自備月餅,原來Yan十分喜歡食月餅,一口氣連食三個都面不改容。Yan笑言唱歌食月餅,更加有氣力,激得Eric啼笑皆非。

阿Yan自言今次好俾心機去錄歌,因為自己都估唔到會有機會一年出兩隻專輯,非常感謝公司的支持,無以為報,以好歌相許。Yan繼說:「錄音前我o地都都非常認真地開會,希望可以得到最好的結果。」

另一方面,Yan師兄Juno今次與Swing另一成員Jerald再度合作,問到Juno是否因為阿Yan搵Eric幫手,所以至搵Jerald幫手,Juno表示:「搵Jerald合作唔係想同Yan比較,只係因為一直同Jerald都係好朋友,而且上次合作非常愉快,希望可以今次在音樂上會有更多突破。」

舊拍擋Jerald Vs Eric 為Juno,Yan鬥實力

Jerald笑言今次同好拍擋Eric拆夥,分別幫一對師兄妹Juno和Yan製作新碟,除了可以滿足自己的音樂創作,私底下都會比拚一番,睇下邊一位,有最好的成績,賭注只是一餐飯,但牙骹最重要,所以2人都非常落力,極嚴厲地進行錄音,令Juno和Yan感到非常大壓力,但相信迫使自己有更好的成績。