葉佩雯拍拖對象首先要過媽媽呢一關
葉佩雯(Grace)前晚應邀到Pink Mao Mao登台，順道慶祝聖誕節。Grace由於正為新唱片錄音，故在監製Eric(Swing樂隊成員)陪同下，與幾個朋友搭的士到Pink Mao Mao，但已有廿多名歌迷在酒店門口守候。對於早前傳出Eric有意追求，Grace笑說:「佢冇追過我呀!」並糾正傳媒誤會Eric的意思，是「有好感，而非鍾意。」她認為自己年紀尚輕，目前以事業為重，加上自己的擇偶條件要求很高，例如孝順、細心、冇大男人主義、有才華、運動型、識多國語言及會煮食等。她指Eric在錄音室時要求甚高，只要唱歌不達到水準便兇神惡煞，所以她對Eric冇感覺，暫時只保持朋友關係。問到Eric是冇機會?Grace斬釘截鐵表示未想拍拖，但未至於一點機會都冇，不過，要與她發展，先要畀葉媽媽過目，認為合眼緣才可以拍拖，自己是寧可選擇工作為先，待事業打穩基礎才考慮感情問題。