葉佩雯抱病爆擇偶條件 Eric聞訊高呼:o岩晒我!

對於有報道指Swing組合o既Eric追她?Grace稱:對於這段報道她覺得搞笑，她未感覺到Eeic追她，如果真有其事才會考慮。可能因為Eric為她監製新碟，又為她寫歌，所以令人誤會吧。Grace透露:「擇偶條件要對方喜歡音樂，孝順，要大我幾年，(咁Eric條件好嘛?)我唔知佢是否孝順喎。」(會否因此而與Eric保持距離?)佢係我新碟監製，如果係咁就唔夠專業啦，而且讀者會判斷真定假，好快傳聞就會過去。我只得二十歲，遲一點拍拖也未遲，目前都係專注工作。」

Eric讚葉佩雯

昨日記者見到Swing，立即拉住Eric訪問，他說:「好呀! 你o地最需要呢類娛樂新聞，都唔講音樂o既。」不過，他不諱言Grace是他的偶像，對方唱「咖啡貓」主題曲時他已經喜歡她，現在合作後，更覺得Grace很好人，唱歌好，性格好，人又好，自己對她是有好感，但目前冇拍拖。當記者告訴他Grace的擇偶條件時，他笑言:「o岩晒我，有機喎!」隨後他正經地表示:「目前最重要是搞好Grace o既新碟，其他事唔講住。」他的拍檔Jerald加把口說:「我都想約容祖兒食飯，好女仔梗係多人爭啦。」