炒車王霆鋒行人路踩單車曳曳

蘋果日報

23/9/05

曾因駕車而屢生意外的謝霆鋒，日前相約老友郭偉亮到銅鑼灣踏單車，踩到"支力"時，便結伴到食肆醫肚，兩個大男人食飽叉電後，竟急不及待違規在行人路踏單車，嚇得途人速速讓路迴避。

與車結下不解緣的謝霆鋒，年前因駕駛私家車而屢次發生交通意外，雖然復牌後的他已甚少駕車外出，但日前霆鋒相約老友郭偉亮(Eric Kwok)一起踏單車時，竟然又違規挑戰法律。

細心調校頭盔

當晚九時多，不約而同身穿整齊單車服及戴上頭盔的霆鋒與Eric，同於銅鑼灣街頭踏單車，當時二人踩到利園商場附近時，便各自捧起單車，直入商場內的食肆，在場早有一女三男坐在卡位上等候，霆鋒和Eric到"土步"後即坐到友人旁邊的一"木台"，各自點食物醫肚。

半個小時後，大夥兒用餐完畢，霆鋒和Eric便施施然執拾物品，Eric戴頭盔時小心翼翼，將頭盔調校到最適合位置。

醫完肚急上車

其後二人跟朋友道別，再各自捧著單車離場，但未知是否因飯後充滿力量，未及離開商場範圍，已經在商場近門口處分別踏單車直出行人路，二人一時貪玩在行人路上違規踏車，雖則車速不快，但已嚇到途人馬上讓路迴避。

謝霆鋒跟Eric Kwok(左)聊天時，Eric以雙手緊按頭盔，表情趣怪

Eric Kwok在銅鑼灣街頭踏單車，不停東張西望，小心翼翼