Eric Kwok認為歌有歌的命，因此接受紅歌不紅人的事實，專心做幕後人
Eric Kwok命中注定歌紅人不紅
蘋果日報
13/2/09
Eric Kwok(郭偉亮)曾與Jerald(陳哲廬)組成Swing及Snowman出唱片，成績平平，轉以幕後創作，自99年得過四台聯頒傳媒作曲大獎後，08年度再奪得該獎。
喜愛作曲
屈指算一算，Eric Kwok作品大部份叫好叫座，當中包括陳奕迅的《幸福摩天輪》、《夕陽無限好》、《最佳損友》，李克勤《花落誰家》、容祖兒《華麗邂逅》等等。《花》07年得無線的金曲金獎，《幸》又是叱o宅頒獎禮我最喜愛歌曲，08年單是謝安琪的《囍帖街》已唱贏通街。紅歌不紅人，連Eric Kwok也承認:「梗係啦，呢o的好講命o架,人o既際遇唔同，每首歌同人一樣都有自己o既命。《囍》我諗過會hit，但冇諗過係咁。」其實Eric Kwok大可挑戰一下，包唱包作曲，或許明年傳媒大獎得主是他，不過Eric Kwok一臉輕鬆:「我好自量o既,我鍾意作曲多o的,o依家好滿足o架喇。遲o的會出新碟，睇o下有冇驚喜。」
自認懶散
以Eric Kwok的性格，莫說步詞壇大師林夕後塵得金針獎，Eric Kwok也自問未夠班:「人o地真係天才，佢付出好多，佢o既生活未必有我咁舒服。天才我係有，但我認我係懶，掛住打機，今年都想試o下作多o的歌。」
Eric Kwok認為歌有歌的命，因此接受紅歌不紅人的事實，專心做幕後人