Eric及Jerald相隔七年再復合，一同創作好音樂
Swing新碟《武當》，是兩人重組後的頭炮作品
相隔七年再合體 Swing短期復合
太陽報
14/8/09組合Swing在七年前人氣正盛時突然解體，靜極思動的Jerald徵召拍檔Eric歸位大叫「我有貨」，Swing今次回歸限期兩年,Fans「有買趁手」。 七年前組合Swing突然解散，成員Jerald坦言當時有點意興闌珊:「我覺得係白做，當時做Swing係想o係樂壇有地位、有人識，日日換4、5套衫影相又冇出過，屋企人問點解日日都做o野但係唔見我o既報道，你話係咪白做?」這7年退居幕後，Jerald感激麥浚龍及林海峰邀請合作。
Eric亦坦言當時做音樂的時間太少:「o倨年我o地出o左三隻碟，宣傳緊呢隻又要寫新碟o既歌，時間只容許我o地各自寫歌，有時唔鍾意都唔會講畀對方知，但係今次就唔同，每首歌都係一人一句，真正Swing o既創作!」《武當》寓意完美結合
Eric踢爆Jerald這七年間曾三度提議「復合」:「佢有次話下隻碟不如用個問號做封面，仲講足三個鐘，點知三個星期之後佢又話唔做，所以佢今次搵我，我第一句就話『唔好玩啦』!」Jerald表示當年解約時曾承諾7年不做幕前，現時合約期滿，因此鼓起勇氣全力出擊，但事前表明只玩兩年。新碟命名《武當》作為復刻回歸的頭炮，Eric說:「武、當分開o既時候好似冇咩意思，但係一齊就好型，好似我o地合體o既功力咁，所以《我有貨》入面有句『黐孖筋』就係指我o地囉!」
|
|
|