郭偉亮踢爆Jerald做渠王

東方日報

2/7/2010

組合Swing事先張揚拆夥，Jerald(陳哲盧)無緣再做歌手，未知去向，只願回流加拿大重過新生活，Eric(郭偉亮)即場踢爆對方回加國是做「通渠」工作，引來全場爆笑。

出道十年的二人組合Swing，對於將要拆夥的報道，他們坦言明年底推出一張新專輯後組合便解散，成員Jerald將回到出生地加拿大尋找新的生活。

夢想搞Golf場

Eric即笑他回家鄉做「渠王」從事「通渠」工作，不會再當歌手。Jerald即解釋其夢想是回加國做Golf的工作:「o係個Golf場度剪o下草、做o下清潔o既o野,做好場上o既排水設備。」在旁的Eric即笑說:「咁咪即係通渠囉!你仲可以放部鋼琴o係個草地上面，彈住琴o黎通添!」搞到Jerald頭擰擰說:「你o地要咁諗我都冇辦法。」

足足冷戰四年

提及02年二人的拆夥事件，Eric透露當時組合解散的原因是Jerald想退出樂壇，他最討厭做幕前的工作，又不喜影相，令組合無法維持下去。Jerald續說:「o個時我好唔開心，成日為呢件事同Eric討論，搞到我o地成日面左左，解散後足足冷戰o左四年。」問及Eric的女友葉佩雯有否對組合拆夥提供意見?Eric即「大男人」上身:「呢o的係男人o既事，佢唔好畀意見。」


二人組合Swing再度拆夥十分可惜


Eric對唱歌心中仍有一團火


Jerald將返加拿大尋找新生活，被Eric笑他返加「通渠」