出碟開騷告別樂迷 Swing交足貨收山

蘋果日報

9/7/2010

兩年前 Jerald主動聯絡 Eric，希望於離開香港前再以 Swing的名義出碟，他說:「兩年前我同佢講，話不如o係我離開樂壇之前合作多次囉,o個時冇諗過佢答唔答應我 o架，唔應承又唔會嬲佢o既,佢話 OK咁咪做囉。」

「上機先唔捨得」

結果 Eric與 Jerald再以 Swing之名重出江湖，還拍了個搞笑 MV《我有貨》，一新樂迷耳目。 Eric表示一早知道今次是Swing最後一次合作，暫時他仍未有不捨得，他說:「一日都未做完件事，都未有o個種感覺，可能到佢上機先唔捨得o卦。其實佢老婆等佢離開香港等o左8年啦，係時候要走啦。」

Swing推出多一隻大碟、於7月舉行拉闊音樂會，或者之後舉行多一次Swing音樂會，之後二人就會各走各路。不過將來的事有誰可預料，Jerald覺得Swing只是一次較長時間的分開，可能不知多少年後，他們會再聚頭。

解散致友情冰封

十多年的相處，Jerald與 Eric當然會有拗撬，當年因為 Jerald提出解散，令一段友情冰封，他說:「我o個時覺得唔知自己做緊乜，日日係咁做但又冇滿足感，好辛苦，唔明做乜要出o黎做宣傳，做音樂唔係要咁做。」

在旁的 Eric補充說:「o個時佢成日話辛苦唔做，又話要返加拿大，我咪勸佢囉，到佢好認真話解散，咁咪唔做囉，解散前一段日子，我o地兩個都冇o野講。」對於最後一次，Jerald與Eric最希望繼續做出令樂迷滿意的音樂，起碼在畫上句號前好讓大家留下一個美好的回憶

Swing當日重出江湖，邀得郭靖出山拍《我有貨》的搞鬼 MV，噱頭十足

復合不夠一年的 Swing又再宣佈收山，令支持他們的樂迷依依不捨