Swing拆夥前紅館開騷 「鋒芝」各坐一個山頂

3/10/2011

即將解散的組合Swing，將於11月23日在紅館舉行首場，也是最後一場演唱會。今次演唱會如同告別派對，會邀請一眾好友捧場，包括陳奕迅、劉美君、李克勤等，連已離異的謝霆鋒與張柏芝，也是被邀之列，身為二人好友的郭偉亮(Eric)，準備安排二人分兩邊「山頂」坐，並在記者會上，將謝霆鋒與陳冠希擺上台。

Swing兩人分別以謝霆鋒的金句「路不知怎走下去!」及陳冠希的「無限期退出娛樂圈!」，來交代Swing的解散原因，事後，Swing否認惡搞謝霆鋒跟陳冠希，他們強調二人的金句真的合用，Eric表示，其實是讚美他們的用語寫得好，絕無取笑之心，他亦相信老友霆鋒不會嬲，對於有指今次演唱會可能是史上最多嘉賓，到時他們可能變成司儀，兼且第一次開個唱，亦是最後一次，Eric希望屆時不會喊很多次，問到他會否趁機向女友葉佩雯求婚，他笑說:「唔會，即場結婚就會。」

問他若鋒芝一起到場，會怎樣安排他們的座位，Eric說:「我諗住一個呢個山頂，一個係另外一個山頂，又或者安排佢哋坐埋一齊，加埋吹神(陳奕迅)，我驚紅館會冧。」對於最近有傳謝霆鋒願意為Lucas，與張柏芝復合，Eric說:「o下?分開又係因為Lucas，神又係佢，乜都係佢，我冇聽過呀。」