Eric Kwok蠱惑花轎 娶葉佩雯

蘋果動新聞

23/11/2012

38歲唱作人郭偉亮(Eric Kwok)和32歲老婆葉佩雯(Grace),昨日趁結婚一周年補擺喜酒，戴鳳冠穿裙褂的Grace以黃金戰士look坐蠱惑花轎出嫁，Eric則要接受「食屎」、掹腳毛、飲辣椒油等酷刑才娶得老婆歸，兩人像接吻魚咀足五次，甜密滿瀉。

葉佩雯今擺酒　Eason一身黑到場

葉佩雯(Grace)去年今日就同郭偉亮(Eric Kwok)結束多年愛情長跑，係紅館簽紙拉埋天窗。今日就正式擺酒，朝早Grace上緊頭都仍然不忘影張相放上微博，佢著住中式裙褂精神奕奕。

佢兩個圈中朋友甚多，今晚婚禮都係星光熠熠，上年Eric o係紅館求婚，好友謝霆鋒本來同前妻張柏芝就機會相遇，但最後柏芝就甩底。

而到今朝早，Grace o係君綽酒店等住畀人接新娘，當中只有陳奕迅到現場，其他人一早上o左去，Eason戴住黑超同著黑西裝，急急腳由側門入冇停低。

郭偉亮遭姊妹凌辱

郭偉亮同葉佩雯擺喜酒，一班姊妹當然以「重口味」節目侍候啦，杜如風同何超儀等人準備o左用腐乳同花生等溝埋o既「屎」要班兄弟食，雖然係假，但放埋入痰罐，像真度超高，見到都想嘔。

Jerald拎住痰罐個樣超級無奈，梁漢文仲要畀劉浩龍用奶咀餵，見到都唔開胃。新郎哥都唔好得幾多，畀杜如風藤條炆豬肉，認真慘情。

星級兄弟團

成班星玩中式樂器，除o左呢o的場合，有咩機會聽到呢?

自拍先~

乖乖o地畀傳媒影相

Eric睇到乜咁開心呢?