葉佩雯上花轎 推得郁 唔使抬

蘋果動新聞

23/11/2012

今日下午2點左右，郭偉亮接完新娘葉佩雯(Grace)之後，就返返去布思道男家做儀式。一班兄弟舉晒牌迎親，梁漢文同劉浩龍就拎住細鼓o係度打，老友Jerald就拎住個牌，而陳奕迅就吹埋嗩吶添。

現場仲有架花轎，Grace上完轎唔通搵兄弟抬佢?原來架轎有4隻轆o既!唔使抬，推就得喇。而Grace落轎之後勁High，同老公Eric係咁跳舞。

大喜日子回應涉毒風波 葉佩雯:冇影響心情

今日葉佩雯(Grace)同郭偉亮補擺酒及行禮，大約1點半，一對新人o係酒店門口俾傳媒影相，Grace著住中式裙褂，戴著簡單o既鳳冠，而郭偉亮就著住傳統中式禮服，胸前掛住紅色繡球。

一對新人一共有8兄弟8姊妹，問到今日有報道指徐淑敏老公黃浩大爆有藝人涉毒，Grace亦捲入風波，Grace就話心情冇受到影響 。而玩兄弟環節，姊妹分別炮製o左用腐乳等食物整成o既「屎」要兄弟食，又要一班兄弟做高難度瑜珈動作。

Eric同Grace今日大喜日子，不過就有負面新聞傳出

結婚有埋花轎，呢頂花轎，仲有古怪

架轎有轆o架，輕鬆推就得!

以為Eric咁辛苦要抬轎?NoNoNo!

郭偉亮婚前搵刺激 扮Iron

今日郭偉亮(Eric)同葉佩雯擺喜酒，Eric原來之前走o左去外國跳傘，今日凌晨將跳傘片段放o係微博話:「給自己擺酒結婚前最後的一個衝刺!」係人都知佢似足Iron Man(鐵甲奇俠)的羅拔唐尼，片入面佢都Iron Man上身，時不時話自己係Iron Man之餘，落地之後都舉起隻手做Iron Man招牌姿態，真係搞笑。

機上面，Eric好鎮定

跳o個陣仲好興奮添

Eric落地舉起隻手扮Iron Man