Eric爆女人「經」葉佩雯喝收口

東方日報

28/11/2012

葉佩雯(Grace)與郭偉亮(Eric Kwok)新婚燕爾，昨日夫婦倆首次出席活動，Eric大爆擺酒當日因老婆月事來潮而未有洞房，所以行衰運令夫妻鬧交，令身旁的Grace尷尬得即時叫他收口。

日前剛擺婚宴的葉佩雯與郭偉亮昨日現身公開活動，聲沙沙的Grace表示擺酒後便病倒:「前日病到無聲，今日仲係暈暈地。」Eric則自爆因為冇洞房而行衰運，他笑言:「擺酒o個日DJ Donald話咁多儀式做完，如果唔洞房會行兩星期衰運。唔止佢，好多朋友都咁講。我o個晚冇洞房，尋日兩個人就鬧交。(咩事鬧交?)無聊事，佢(Grace)心情唔好。所以洞房係一個發洩，冇發洩，屈住咪谷到病。(補番?)一定會。其實我當晚好想，亦好信，不過擺酒後唱K唱到六點，真係有心無力。不過主要係女人事(月事)。」大爆老婆私隱，Grace聞言即叫老公收口，非常搞笑。

Grace稱當晚不少朋友催她生仔，大感壓力:「洪天明叫我生B，將來可以有人陪佢個小朋友上playgroup。我唔可以為咗佢個小朋友有人陪而生。」

另外，黃浩與徐濠縈和李璨琛太太在instagram爆罵戰,Grace表示不作回應:「如果我再加把口，事件就沒完沒了。我要用腦諗o下去邊度度蜜月，邊得閒煩o的唔應該煩o既o野。」至於有雜誌拍到黃浩疑開派對兼攬女,Eric則說:「我唔知呢個黃浩係邊個，我唔識佢。」

葉佩雯與Eric新婚後首次亮相，兩人更說當晚未有洞房

Eric說擺酒後與好友唱K唱到六點