Eric Kwok為撲水擺酒狂作曲

蘋果動新聞

2/1/2013

與祖兒合作無間o既舒文摘監製大獎；至於商台之友Eric Kwok， 則是第一次得作曲人大獎。佢上台時都好激動，仲話:「真係結婚o個陣都冇喊。我年年都坐o係o個度(台下)，一年又一年，見到雷頌德、陳輝陽拎拎獎，我每年就o係度諗，點解我拎唔到。

「我好想多謝商台叱o宅設呢個獎，令我知道自己有幾懶，令我知道可以作多o的好歌，好喇我作多o的,但又攞唔到獎。咁我就同自己講，你都係打機算啦，咁我真係去打機。但今年我要結婚，我知道要擺35圍，今次真係唔可以唔作多o的歌喇。」Eric又特別多謝老婆葉佩雯，話:「係佢push我拎呢個獎。」

《重口味》奪至尊歌曲大獎

今晚至尊歌曲大獎，即播放率最高o既歌，就係陳奕迅嘅《重口味》，作曲嘅Eric Kwok話:「呢首歌要多謝Jerald，同你一齊作曲係一件好辛苦o既事，呢首歌係由尾作番頭，我o地知道ending係點end，永遠好記得隻歌點寫，多謝Eason。」