字得其樂

太陽報

3/6/2013

林寶，七十後，衣食無憂，日間是朝九晚五生意人，晚上他卻化身天馬行空創作人，又填歌詞又寫小說。

「我同Eric Kwok(本港前樂隊Swing成員郭偉亮)一齊去美國讀書，佢鍾意作曲，每次作完就畀Demo我，我讀書時得閒，就試o下填詞。」初時玩票性質，愈填愈鍾意，第一首發表的詞，是Eric大學時期作的Demo，其後被本港歌手採用，於是，他一邊經營其家族的貿易公司生意，一邊加入樂壇做填詞人。年少氣盛，執著填詞，經常與唱片公司及歌手爭執:「唔開心，好多題材唔係我想寫，當時我將創作同尊嚴綁埋，人o地話填得唔好，就覺得失去一切。」不過，他發現自己可以放下五線譜，卻放不低文字。○九年Swing復出，林寶重拾填詞工作，幸運地獲填詞人黃偉文賞識，力邀加入「填詞人聯盟」。

與Eric Kwok廿載手足情

在香港樂壇，提起林寶，大家就會聯想起前樂隊Swing成員Eric Kowk，兩人的名字經常被放在一起，然而他們的關係絕非填詞人與歌手這麼簡單。

「我同Eric十歲就識，由細玩到大，好似親兄弟!」由於兩家人是世交，故Eric是林寶的兒時玩伴，兩人同屬音樂狂熱分子，經常逛唱片舖聽歌。巧合地，二人升讀同一所中學，還是同班同學。

Eric於中一時負笈美國，仍無阻這段異姓兄弟情:「佢會用錄音帶將美國所見所聞錄低，同我分享;我又會錄番香港o既事畀佢，中三我都去埋美國，雖然一個東一個西，但放假都會見面。」二十載兄弟情，一方有難，另一方義不容辭，林寶是Eric的御用填詞人，當他出書時，難怪Eric亦聲演其中。

林寶與Eric Kwok識於微時，感情儼如兄弟