星夢傳奇 - 歌聲感動評判

蘋果動新聞

28/7/2013

今晚一集《星夢傳奇》主題係講「扶持」，六位參賽者包括高分王鄭俊弘、張文采男友羅鈞滿、「翻版黃宗澤」張振朗、張明偉、何傲兒及新加入o既「鬼妹」陳明恩及王君馨對戰，眾藝員各自搵Partner參賽。

「翻版黃宗澤」張振朗搵o黎巨聲幫出身o既陳鴻碩合唱《你那麼愛她》，原來錄影當晚適逢張振朗生日，可惜佢願望未能達成，佢o地呢Pair僅獲149.6分，尾二出局。

Eric Kwok畀佢60分低分，Eric話佢容貌同聲線都似黃宗澤，佢話唱歌同演戲一樣，要好聽好睇，又嫌佢面部表情欠奉，好似遊魂一樣，唔能夠做到人歌合一

「鬼妹」陳明恩及王君馨加入，佢o地兩個合唱《Amazing Grace》。論表現，鬼妹陳明恩表現較佳，Eric Kwok畀佢72分，讚佢音高甚準，雖然聲底唔夠厚，但勝在有個人風格，識得運用自己把聲去演繹

高分王繼續由鄭俊弘蟬聯，得分172.1分，鄭俊弘就請來了單立文一齊唱The Beatles o既《If I fell》。不過平心而論，鄭俊弘o既表現未如之前幾集咁理想，Eric Kwok俾70分，佢話:「唔可能次次都揀o岩歌，之前睇唔到，但今次真係覺得你有少少造作，證明呢類歌唔o岩你。」豹哥聽完Eric Kwok咁講、話鄭俊弘造作，即問一句:「咁我呢?」Eric就話:「你可以再好o的囉。」

另一評判周啟生就俾83分，希望佢多番o的陽光感。單立文又話喇:「等我解下話，Beatles呢隻歌係好陽光o既，我亦都答埋Eric，青蔥歲月o既年紀,o岩佢」於是扮到好sunny好天真咁唱o左幾句，再話:「Eric，可能你結婚o既日子短，同個老婆好恩愛...」

第二高分係羅鈞滿同拍檔楊潮凱，二人選唱《我們都是這樣失戀的》，Eric依然手緊，原來佢有睇《師父，明白了》羅鈞滿演出，同之前俾黃智雯評語係嗌專心演戲一樣，事關Eric覺得做演員一o的都不易呢。

郭偉亮畀65分

郭偉亮又扮iron man