Super Hero本土化
am730
6/3/2014
Eric Kwok俾人話似Ironman都講o左好幾年，連佢自己都忍唔住成日chok Ironman個招牌pose影相放上網。不過講到親身演繹、著晒老西、?埋跑車，扮晒超級英雄咁拍廣告現身電視，今次都可算係第一次。起初睇個廣告睇到我𢱑晒頭，估唔到原來係sell緊大纜都扯唔埋o既茶餐廳!
一拍即合
早o係上年10月，太興已經搵Uth Creative Group為今年廿五周年Campaign作準備。有足夠o既時間溝通，可以有更多explore，自然有更多火花。眼見客戶咁重視今次Campaign，Charles都話唔敢怠慢:「太興一向好少做廣告，所以今次個廣告都希望做到creative noise，顧及現有客戶之餘，又target到年輕顧客。個廣告係想做到大家有共鳴、有話題，而本身年輕人多數投放時間o係上網，加上之前都瘋傳過Eric Kwok好似Ironman，咁多樣o野加加埋埋，將大家一直講緊、創作o左o既o野成真，呈現俾觀眾睇，就成為今次呢個廣告。」用Super Hero賣茶餐廳廣告，其實真係幾離譜，起碼，你同我都冇諗過個廣告係關太興事。Charles解釋:「太興本身都係間好鼓勵創新o既公司，所以即使對於我o地o既idea，太興都好buy，一拍即合。」
Super Hero夠搶
可能大家會諗，奶茶同Ironman，真係大纜都扯唔埋喎，點樣將件事本土化先?Desmond話:「為太興度Campaign，sell o既一定係食物。以Product as a hero為中心，食物，就係茶餐廳o既hero，所以成個Campaign就以『My Hero』為主題。」講起香港最似Super Hero?個，又真係非Eric Kwok莫屬，唔開聲都真係俾佢呃到。當初搵Eric拍廣告，Desmond話簡直係緣分:「好記得?日sell完個idea俾個客，同老婆食飯就咁o岩撞到Eric同佢老婆食飯，我就上去自我介紹，兼同佢講我o地有個咁o既Campaign，想邀請佢演出。佢好爽快就答應o左,一來佢本身都未拍過廣告，二來將大家一直熱炒話佢似Ironman呢件事做出o黎,都好有滿足感。成個過程都好順利、好smooth。」