Eric Kwok扮鐵甲奇俠開騷 葉佩雯做攝石人

on.cc

30/4/2014

音樂人Eric Kwok(郭偉亮)及老婆葉佩雯(Grace)夫妻檔現身將軍澳拍攝節目《勁歌金曲》，原來Grace已經七年沒有踏足電視城，她笑言迷路，要老公帶路去廁所。

問Eric Kwok暑假舉行的作品展準備得如何?他興奮地說要加場:「反應熱烈，本身開兩場，依家加一場,(想請但未請到o既嘉賓?)仲同謝安琪傾緊,(之前謝安琪同唱片公司環球不歡而散?)環球主辦呢個作品展，但都畀好大自由度我，請邊個嘉賓由我話事,(陳奕迅都到?)佢晚晚都會到。」

談到作品展的戰衣，早前在廣告扮鐵甲奇俠的Eric Kwok笑言一定有驚喜:「戰衣會好『鋼鐵』，上次o個件Iron man服裝好大汗味，今次可能整番套Iron suit!」而老婆Grace則搞笑自薦要扮Iron Lady:「不如叫成班Dancer著Iron man衫，我就扮埋Iron Lady，會幾好玩!」她又大爆會在老公的作品展中做「攝石人」:「我本身都會唱歌，不過唔太記得歌詞，要開始練歌。總之到時有咩事就我頂，有人病o左我就攝位去唱。」

問Eric Kwok為報答老婆會否努力造人?Grace反應甚大地說:「啋!好驚，諗起都驚，嚇死我!我做個好人就得，我媽咪每隔幾個月就催我生B，但我o地未Ready,(會否開騷時又爆驚『喜』?)千祈唔好，如果有應該會在台上喊!」

Eric Kwok與老婆葉佩雯夫妻檔現身