Eric Kwok自爆閨房不設防

晴報

9/5/2014

音樂人郭偉亮(Eric Kwok)昨日舉行記者會宣布七月舉行演唱會，除了有份演出的嘉賓現身撐場外，太太葉佩雯更送上香艷孖煙囪,而Eric竟然自爆閨房秘事，坦白得可愛。「我最喜愛的Eric Kwok音樂會」將於7月17至19日在紅館舉行，參與演出的歌手逾20位，當中包括李克勤、梁漢文、劉浩龍及Eric的太太太葉佩雯等，昨日亦現身記者會撐場。Eric除了獲贊助商送上價值18萬元的黑鑽戒指外，眾嘉賓亦輪流上台給他送上禮物，太太葉佩雯送上印有心形及嘴唇圖案的紅色孖煙囪,梁漢文和李克勤則分別送上足球機及雨褸，笑言給Eric和太太一齊搞，好讓Eric閉關寫歌時以策「安全」，不過Eric坦言:「我個人不嬲唔係好安全o架!」

霆鋒未落實出席

Eric被問到上次Swing開騷時即場宣布結婚，那麼今次可會宣布生BB?Eric直言:「冇諗到，依家離開騷得兩個月，同埋我o地有共識唔生小朋友，不過要發生都無辦法，聽天由命，惟有將我最好o既畀晒佢，希望件雨褸頂得住。」問他言下之意是否不設防?Eric竟自爆:「有時我都會唔安全，因為舒服嘛!(咁唔負責任?)有時為o左o個刻都好唔負責任。」至於演唱會可有神秘嘉賓?Eric即大賣關子:「到時就會知，我都問o左好多朋友，但未覆o黎唔o黎到。(謝霆鋒會o黎?)佢未答到我，佢應該有工作，但希望就到會o黎。」

Eric Kwok指孖煙囪的size太細，葉佩雯即說會穿給他看

克勤和梁漢文大講不文笑話，笑翻全場