Swing重組 Eric Kwok嘆被動

GooStars

23/5/2014

Eric Kwok(郭偉亮)近年來的形象漸趨成熟，才發現原來他與「Iron Man」 Robert Downey Jr 有幾分相似，甚至連大型連鎖食肆都邀請他扮演Iron Man拍廣告，總算開闢多一條財路。不過比起Iron Man，其實大家更期待Eric Kwok與Jerald一起以Swing的姿態出現......

當年Swing在樂壇就像異軍突起，兩人憑與別不同的音樂風格，給廣大樂迷帶來新鮮的景象。當然，並非所有人都能接受Swing的音樂，Eric Kwok也透徹理解，「Swing大部分歌都唔會好似出面果o的咁流行，因為我o地做o既音樂題材、風格，都係盡量做o的香港冇o既o野,如果唔係我o地都唔會玩得咁開心。所以從來冇介意過(不被接受),如果我o地好紅先詫異!」Eric Kwok與Jerald，一個偏好Pop，一個卻鍾情Jazz / Funk ，兩人剛好在音樂上互補不足，本應是最佳拍檔，但卻先後於2002年及2009年決定拆夥，令一眾歌迷大感失望。對此，Eric Kwok坦言其中一個起因原來是成名曲《1984》。「呢首歌Jerald冇份寫，變o左出o黎o既效果都幾Cantopop，同Swing o既風格冇乜關係。但亦都係呢首歌令大家認識Swing，所以我o地成日要唱，而Jerald又唔覺得佢可以代表到大家......都幾慘，可以話係《1984》成就我o地,亦都係《1984》分開我o地。」

外界曾一度傳出Swing解散源自於兩人的不和，Eric Kwok亦承認私底下與Jerald的確不常聯絡，笑言大家心底可能真有點不妥對方，不過在音樂方面就如「螞蟻摟蜜糖」一樣，彼此之間充滿火花。Eric Kwok也大讚對方為人夠義氣又顧家，再爆當年Jerald其中一個離開的原因也是為了老婆和女兒。至於Swing會否再有機會重組?Eric Kwok就無奈表示不由自己決定:「呢個真係要問Jerald，因為復合、拆散，全部都係佢o既主意。我好被動，好似一個波咁畀人踢o黎踢去。」雖然Swing復合無期，但在Eric Kwok七月舉行的作品展中，Jerald還是會擔任Band Leader的重任，可謂Swing的一個小小團圓。

提到最近合作的新人鄭俊弘(Fred),Eric Kwok依然讚口不絕，直誇對方值得有今日的成就。問如非巫啟賢捷足先登，會否有意收Fred為徒弟?Eric Kwok只笑笑口說:「佢絕對係一個好好o既徒弟，但我絕對唔係一個好好o既師父，收一個徒弟係好大責任，同埋要夠年資先夠班，我未夠班!」電影中的Iron Man堪稱天才，不過也確實有點狂妄自大;而身為「山寨版」的Eric Kwok稱得上音樂奇才，卻一直保持謙厚態度，想想其實也並不那麼「Iron Man」!