林海峰贈絕世好橋 Eric Kwok跟風開作品展

頭條日報

26/5/2014

郭偉亮(Eric)即將於7月17至19日在紅館舉行三場《我最喜愛的Eric Kwok音樂會》。除了老婆葉佩雯(Grace)外，參與演出的歌手逾20位，大眾最關注的當然是「鋒芝」離婚後，會否在音樂會上公開「重逢」呢?Eric斬釘截鐵道:「未撮合到，為免當事人尷尬同埋節外生枝，兼且控制唔到大局，可免則免!」

音樂會是郭偉亮成立「係都要製作公司」後的頭炮音樂會，對於自資開Show，他笑說:「我唔買股票，今次當係投資，順便學o下搞音樂會要點樣去控制成本，應該唔難o既,因為歌手們都係拍膊頭演出。因為有黃偉文、雷頌德作品展珠玉在前，原先唔打算跟風搞，但老友林海峰提供o左一條前無古人，後無來者o既絕世好橋，真係好有創意好好玩，最後決定豁出去玩到盡，反正同類型�麰絳硊|一生人只會搞一次，碌得太多人情卡唔好意思，更加唔想再去求人!家陣陳奕迅、梁漢文、梁詠琪、李克勤、許志安、蘇永康、吳雨霏、劉浩龍等都已答應演出。」

不安排「鋒芝」聚頭

問到謝霆鋒會否參與演出?Eric大賣關子，「會請佢!但仲未知佢o黎唔o黎到，仍然o係度期中。」咁有無機會在音樂會上同做觀眾的前妻柏芝聚頭呢?Eric則話可免則免，唔想做新聞咁核突，他說:「音樂會焦點係我o既歌，要以歌行先，如果大家將焦點轉移，就會令到當事人好尷尬，我亦唔想引來混亂，節外生枝，所以盡量會分開安排。」

一定要黐埋的反而是個唱Band Leader，前Swing拍檔Jerald(陳哲廬),他特地由加拿大飛返港分享喜悅，Eric笑言屆時會用老闆身份玩他，仲會預告唔放過老婆葉佩雯，最多回家認錯!

郭偉亮笑言想請羅拔唐尼看音樂會

老婆好友齊支持開Show，Eric話「碌得太多人情卡唔好意思」。