Eric男人老狗玩波波

蘋果日報

7/6/2014

郭偉亮(Eric)將於7月在紅館舉行三場「我最喜愛Eric Kwok音樂會」，激似羅拔唐尼(Robert Downey Jr.)的Eric，除了繼續扮鐵甲奇俠(Iron Man),原來密謀帶同三隻愛犬踏舞台，為老婆葉佩雯(Grace)送驚喜。日前Eric帶愛犬到北角狗公園，會合替不少藝人、名人訓練犬隻的星級訓犬師Ben，但當日天氣悶熱，Eric與愛犬只能在烈日下接受半個鐘訓練便要離開，以免人狗齊齊中暑。

全訓練闖紅館

當日約下午4時，Eric完成工作，即坐保母車飛奔回家接兩隻高地白嗲利愛犬Toro和Nana，再直駛北角狗公園，Eric先從一個大袋拿出足球與愛犬玩掟波，一輪熱身後，訓犬師Ben向Eric作出指導，Eric隨即向兩愛犬發出sit指令，兩犬亦十分聽話，聽到指令便排排坐，然後見Eric多次練習將愛犬抱起擁入懷的動作，雖然動作簡單，但Eric也連環練習了幾次，最終大汗疊細汗，他又急急拿出水樽讓愛犬喝水，自己則用毛巾抹抹汗便算。

Eric與愛犬逗留了半個小時左右便離開，臨走時更與訓犬師握手道別。事後致電Eric，問他是否會帶愛犬到紅館，他承認有這個構思，他說:「屋企有三隻狗，有一隻已經14歲，想同佢o地o係個台升上o黎嚇o下佢o地阿媽(Grace),唔會練乜o野高難度動作，只係想畀個驚喜Grace。」

Eric十分錫狗，練習期間不忘與愛犬Nana(右)及其他狗隻玩波波

天氣酷熱，練了20分鐘，Eric即給愛犬飲水降溫

Eric練習同愛犬排排坐，兩隻狗狗十分聽話，一點就明

訓犬師Ben教Eric如何快速抱起愛犬