郭偉亮:唔再搞呢o的騷

蘋果即時新聞

一連三場Eric Kwok噚晚舉行最後一場，雖然Rundown都係大同小異，不過就有軟硬加入做嘉賓。

葛民輝同林海峰分別著住阿根廷同德國波衫出場，主角Eric仲話成個演唱會都係由阿Jan構思，一向多嘴o既阿葛就話喇:「你諗o架?咁流o既?點解你諗我o地o個o的就做到成隻狗咁o架?」阿Jan就話喇:「其實我原先諗到好似做到叱o宅咁，但我發覺o依家好似做到新城咁囉!」

知實唔夠軟硬講o既Eric就賣口乖話:「o依家真係歷史性時刻，現場有軟硬、艾粒同Swing，但係我o地當然唔及你o地啦。」阿葛即刻話:「唔好咁講!」又同Eric互相跪拜，之後Eric又唱出手稿版o既《流行曲》，不過起歌時阿Jan就話入唔到，因為已經幾年冇練過呢隻歌咁話。

Eric又o係現場用手機同嘉賓歌手合照，之後又陸續頒獎，禮物就個個不同。送完按摩器比Kary(吳雨霏)o既Eric，噚晚就送o左個手機用o既靈魂探測器比對方，因為話Kary好鍾意講靈異故仔喎。

之後又送o左曼聯裝飾同鑲起o左個大會海報比克勤，Eric話因為克勤忙到影唔到海報，所以就送將加返佢個樣落去o既比佢。至於Eason就話:「你每晚都送o野俾嘉賓，我應該買o野送畀你。」又帶埋Eric o既唱片上台要求簽名，之後又拎住件上面寫住「Sick Leave Tmr」o既T恤上台，仲幫Eric度身，Eric就話:「我同你(身形)差唔多，不過多你一粒。 」

Eric回禮送巨形奶嘴俾Eason，仲話:「你要保下把聲，你把聲太寶貴。」，點知Eason就將奶嘴擺o係下體附近，仲問:「係咪要講啜我啦啜我啦?等我今晚返去研究下擺前面定後面先。」

而GiGi就收到一件胸口冇布o既性感CatWoman裝，Eric仲話:「好多人話我似Iron Man，但係我覺得你似Cat Woman，將來你小BB出世搞party，我會著Iron Man裝，不如你就著呢件啦!」GiGi就即刻話:「我點著呀?」，Eric就搵到位笑GiGi話:「唔怕，你生o左之後o個到就見得人喇!」

《囍帖街》仍然由阿公蘇永康代唱， Eric仲話阿Kay話好想有機會到場，佢又特登搵人訂造o左兩副眼鏡做禮物，一副識著燈，另外一副就有「阿公」字樣。Edmond就收到《囍帖街》08年所得o既叱o宅我最喜愛歌曲大獎，Eric仲話:「我送俾你keep住先，到我再作到一首hit爆o既歌(俾你)就會?番。」

Eric送o左個手機用o既靈魂探測器比Kary	Eason送o左件「Sick Leave Tmr」o既T恤畀Eric
GiGi梁詠琪就收到一件胸口冇布o既性感CatWoman裝	Eric仲話成個演唱會都係由阿Jan構思

跟住又送曼聯裝飾同鑲起o左個大會海報比克勤

《囍帖街》仍然由阿公蘇永康代唱