郭偉亮笑言做到甩褲:唔再搞呢o的騷

on.cc

歌手郭偉亮(Eric)完騷後到後台接受訪問時，表示自己為了一連三場騷做到甩褲:「實在太多事要兼顧，每日都預備唔同o既禮物同嘉賓，最好唔好再搞呢o的騷!」禮物方面更要出動到老婆葉佩雯(Grace)幫手，Grace解釋送給楊千嬅的比堅尼都要親自聯絡丁子高先知道千嬅size。Eric亦透露老婆瘦了足足10磅，在旁的Grace解釋是因為見到歌衫都有o的性感，所以點都要減o下肥，每日只係食好少o野,仲話自己唱到嘔。期後她亦替老公辛苦，她說:「Eric完騷返到屋企都唔係即刻休息，仲要度稿同度橋!」

Eric透露音樂會已經回本，表示尾場做得好輕鬆，更特別多謝林海峰幫自己度橋，問到如何報答所有歌手，他笑言:「來世先報，太多o野要多謝，報唔晒!」提到Eric送了麻雀戒子給老婆，Grace即好開心地話有朋友即刻搵自己打麻雀，賺到麻雀腳!