李克勤被寸似機械人唱歌

蘋果即時新聞

19/7/2014

《我最喜愛Eric Kwok音樂會》第二場，Eason(陳奕迅)依然係最受歡迎嘉賓，Eric今次送o左一張梯同四方帽俾佢。Eric指上次去唔到Eason獲頒博士觀禮，Eason笑住話:「呢頂係學士帽喎!」咁點解要送梯呢?Eric話Eason錄音冇地方放樂譜，唯有貼o係張梯上，Eason見到張梯就超百厭，企上梯頂跳住咁唱歌，Eric即叫佢小心。

打頭陣出場o既李克勤，唱完《花落誰家》後，就話o係巴西睇完世界盃即趕返港:「趕返香港做呢個騷係為o左報恩，Eric係我其中一個恩人。」Eric就送o左隻鐵人28公仔俾克勤,o係鐵人胯下寫上「Hi」字，佢爆料話:「初初錄呢首歌時，我對克勤講o左o的好大膽同唔尊重o既說話，我叫佢唔好唱到好似機械人咁。」

去到另一位重量級嘉賓林子祥(Lam),Eric就話10歲時唱阿Lam o既《史泰龍》參加歌唱比賽，兩人合唱o左呢首歌，唱完之後阿Lam企o係機關位等降落台，阿Lam笑話:「我好驚呢o的地方。」Eric即識做走去扶住阿lam，等準備好降落台先行開。

噚晚Eric繼續俾屋企兩個女人驚喜，佢先用鋼琴彈o左首未寫好o既歌送俾媽咪，彈o左三次先彈o岩,?得媽咪感動到喊，而老婆葉佩雯上台，佢就送o左隻麻雀戒指?老婆，原來係因為老婆鍾意打牌。演唱會尾聲頒最喜愛男、女歌手獎環節，由楊千嬅同梁漢文奪得，Eric大讚梁漢文唱歌好份人又好，有口齒又有義氣。

Eason笑住話:「呢頂係學士帽喎!」人o地博士喇!