Eric Kwok紅館騷9成滿 郭太面前攬女

蘋果即時新聞

17/7/2014

音樂人郭偉亮(Eric)今晚o係紅館舉行一連3場「我最喜愛Eric Kwok演唱會」，開四面台，入座率九成滿。臨開騷前，大電視播出倒數鐘，好友謝霆鋒撐場睇騷。

一如大家預測一樣，Eric以鐵甲造型出場——不過係西裝look o個隻，拎住結他自彈自唱，佢唱完後問觀眾:「幾多位係o黎睇陳奕迅?」台下觀眾歡呼，跟著Eric再謂:「幾多位o黎睇Swing?幾多位睇我?」其後介紹老婆葉佩雯出場時，還以「郭太」稱呼。

Eric又形容呢個演唱會係「我最喜愛Eric Kwok頒獎禮」，更狂碌人情卡力邀許志安、蘇永康、梁詠琪(GiGi)、陳奕迅(Eason)和楊千嬅做嘉賓。

安仔打頭陣唱出《天下之大》，Eric送上巨型棉花棒示意聽出耳油。GiGi應Eric要求連錫臉三次，現場仲播出GiGi o既蝦碌喪笑錄音。GiGi聞聲即尷尬地謂:「呢o的唔出得街。」

Eason獻唱時反應最熱烈，佢唱出《最佳損友》，Eric笑言創作該首歌時身邊只有好朋友，但依家則有幾個損友，仲向Eason送上極具紀念價值o既卡式帶留念。

真係成個Iron man咁喎

Eric向Eason送上極具紀念價值o既卡式帶留念