紅館演唱會 Eric Kwok大晒溫情冧媽咪冧老婆

on.cc

18/7/2014

Eric Kwok的紅館演唱會除了與一眾好兄弟在台上表演外，又分別請到葉蒨文及張學友兩位重量級嘉賓上台，Eric特別送上只得兩條線的羽毛球拍給葉蒨文，而葉蒨文亦回敬一大袋羽毛球裝備給Eric。而「嘉賓王」學友則獲Eric送上舊款的錄音帶，學友又大讚Eric有才華，是圈中少數知道自己想做甚麼的人。Eric又化身Iron man，在歌手表演時和他們「鬥舞」，令氣氛high爆!

當晚Eric媽媽亦有到場，Eric大讚媽媽是一個偉大的母親，提及當年因為爸爸爛賭，被逼要把家中珠寶賣光還債，所以他特別親手造了一隻戒指即場送給媽媽，令媽媽感動到眼濕濕。Eric又在台上大冧老婆:「我第一日識葉佩雯，佢咩都唔識，水都唔識煲，但今次演唱會幫我處理晒所有o野,佢係我最得力助手，我想講畀大家聽，最幸福係我，佢成日話我唔讚佢，我依家話郭太你真係好好!錢我真係冇乜，繼續唱o的幸福畀你。」之後兩老公在台上拖手合唱《幸福摩天輪》。期間Eric提及去年過身的父親，指他在天上一定會看到這個騷，更一度講到哽咽眼濕濕。

在台上Eric又特別感謝好友陳奕迅的支持:「呢個朋友，如果冇o左佢，Eric kwok一定冇今日成就，但佢如果冇o左Eric kwok，呢個人一定係冇事，仲會好好添!呢個人係我第一個問o黎唔o黎o既嘉賓，因為我話作咁多歌畀你，你如果你唔到我索性唔開，佢二話不說，仲幫我影埋poster，呢個人真係唔話得!」而陳奕迅亦特別揀唱Eric為他作的第一首歌送給他。最後Eric Kwok和拍檔Jerald以swing身份壓軸登場，令歌迷大呼驚喜!