紅館演唱會 Eric kwok寸爆謝安琪潛水失蹤

on.cc

18/7/2014

音樂人Eric kwok一連三場的紅館作品展正式開鑼，圈中人緣甚廣的他請來好友陳奕迅、張學友、葉蒨文、蘇永康、楊千嬅及swing的拍檔Jerald擔任嘉賓。演唱會大部份時間以頒獎禮形式進行，每請嘉賓上台都會向他們送上獎品，其中Eric向吳霏送上一件形狀似「性器官」的禮物，他笑言這是一個按摩器，可以讓低頭族吳雨霏按摩肩頸，令吳雨霏十分尷尬。他又為梁漢文送上一盆太陽花，踢爆梁漢文飲醉後猶如花一般嬌肖。其後楊千嬅以一身高貴藍色長裙上台，Eric特別送上火辣三點式給千嬅:「知你個仔學緊游水，你又唔係好識，但知你呢排好fit，專程買比堅尼畀你。」又指是千嬅老公丁子高托他買，令身材平平的千嬅不禁笑說:「冇可能o既,其實fit o係下半身，上半身fit唔晒。」之後當Eric介紹到《囍帖街》時，暗寸謝安琪無口齒:「我打畀謝安琪，佢話真係好想好想o黎,不過之後佢經理人又話佢o黎唔到喎。」之後他請出曾經翻唱這首歌的蘇永康上台獻唱，但當蘇永康上台時Eric亦不忘抽水指蘇永康沒有唱過他的作品，令蘇永康不禁笑說:「做兄弟兩脇插刀慣o架啦，不過唔知點解把刀成日插o係我身上，你都知識o左十幾年，有冇曾經諗住寫歌畀我?」場面搞笑。

之後Eric在台上表示自從擔任《星夢傳奇》的評判後，被一眾好友笑他做評判好正，所以騷上特別請一班好友上台試做評判，判論表演歌手的歌藝。當身穿短裙的林欣彤唱完後，台上幾位評判卻交「行貨」意見，只說好好，令Eric不禁寸他們說:「你班禽獸見人o地女仔就乜都好。」之後當劉浩龍表演時，台上四人又拿他的戀情開玩笑，Eric說:「你幾年前仲喊苦喊忽咁樣，你話失戀要我寫首歌。」Eric繼續說:「你o個時唱得好慘喎，你今晚完全唔係o個種感覺，不如你唱返容祖兒隻《華麗邂逅》啦!」