紅館開騷群星力撐　郭偉亮:有幾多個係o黎睇我?

on.cc

17/7/2014

音樂人郭偉亮(Eric Kwok)於紅館舉行《我最喜愛ERIC KWOK音樂會》第一場騷，獲謝霆鋒、梁烈唯、王君馨等捧場。Eric Kwok戴著黑超、身穿西裝化身成Iron man熱唱《Iron man》，期間有女舞蹈員挨靠他大跳貼身舞，唱完後Eric Kwok笑問觀眾:「有幾多個人今日o黎睇Eason(陳奕迅?)有幾多個o黎睇Swing?有幾多個o黎睇我?今日要同大家講對唔住，好多歌都聽唔到，因為我實在有太多好歌。」

接著Eric Kwok鬼馬地表示「歡迎來到Eric Kwok頒獎典禮」，而舞台亦瞬間轉為頒獎禮場地，一眾表演嘉賓包括吳雨霏、楊千嬅、蘇永康、林欣彤、葉佩雯、陳奕迅等魚貫入場。當介紹太太葉佩雯時，Eric Kwok Sweet爆稱對方為「郭太」，並搞笑問坐在第二排的Eason:「會唔會唔慣啊?」Eason聞言回應謂:「Feel緊，好耐冇坐過。」然後Eric Kwok又問蘇永康和林欣彤為何郁身郁勢，蘇永康即爆笑謂:「我o地條鏈勾住o左,真係忘年戀。」

打頭陣演出的是許志安，Eric Kwok即送上加大碼綿花棒，並笑言安仔是唯一一個令自己聽出耳油的歌手。而介紹陳奕迅出場時，Eric Kwok肉緊大叫:「我最喜歡o既第七位陳奕迅，係你喇!係你喇!出o黎啦!」並向Eason送上八十年代的Cassette帶，Eason接過後笑言:「唔講太多o野喇，依個時候應該專心唱歌。」

千嬅一到台就同Eric攬攬